Nytt minneopptak på museet: Paal Strand reiste til sjøs 15 år gammal i 1961, og blei verande sjømann heilt til 2006.
Han seilte både på dekk og i maskin, som dekksgutt, motormann, maskinassistent, båtsmann og matros først for Mowinckel, Reksten og Westfal-Larsen.
I 1984 gjekk han over til innanriks fart som arbeidsleiar i ferjeredieriet Askøy Bergen, noverande Fjord Line.
Pål Strand har mykje å fortelje, mellom anna om sitt fyrste møte med Japan, om å arbeide saman med krigseglarar, om drama som sjølvmord, kollisjonar og brannar, om 25 år som skipstillitsmann, om å bu i Colombia og mykje anna. Han er ein god forteljar, noko som han mellom anna har praktisert gjennom 30 år med frivillig nærradioarbeid.
Samtalepartnar / intervjuar vert Bjørn Enes frå Memoar. Publikum er velkomne til å vere til stade under intervjuet. Det vil seinare bli avlevert til Bergen Byarkiv, og dersom Paal Strand ynskjer det vil det også bli publisert på sjofart.memoar.no
Memoar.blog 