 |
| («American storytellers» – A. Thomas) |
Prosjektforslag: Munnleg minnekultur som nytt tilbod ved norske bibliotek.
Memoar ynskjer å samarbeide med eitt eller fleire bibliotek på Vestlandet om å prøve ut fylgjande nye tilbod til innbyggarane:
- Etablere studio i biblioteket, som innbyggarane kan låne til opptak av munnlege forteljingar om levd liv.
- Etablere ei skyteneste for lagring av slike opptak, slik at dei seinare enkelt kan avleverast til offentleg lokalt eller nasjonalt arkiv for langtidsbevaring og formidling.
- Leggje til rette og drifte denne skytenesta slik at det vert enkelt for forteljarane å publisere og dele dei munnlege forteljingane sine på internett
- Formidle slike publiserte munnlege forteljingar gjennom eit eller fleire digitale media.
- Arrangere kurs og erfaringsutveksling for interesserte innbyggarar om samling, dokumentering, forvalting og formidling av munnlege minneforteljingar.
- Og arrangere publikumsarrangement i biblioteket for å fremje munnleg minnekultur.
Me ynskjer å vere samarbeidspartnar med eitt eller fleire bibliotek som kan tenkje seg å prøve ut eit slikt tilbod, og som kan tenkje seg å søke – aleine eller saman med andre – om prosjekt- og utviklingsmidler frå Nasjonalbiblioteket innan 19. februar i år.
Meir om oss:
Memoar er ein nystifta frivillig organisasjon med styre i Bergen. Det er lett å finne informasjon om oss på nettsidene våre:
- http://www.memoar.org handlar og oppbygginga av organisasjonen,
- http://www.memoar.no er ei side for formidling av munnlege forteljingar som forteljarane har publisert på internett.
Me har kapasitet til å ta de facto prosjektleiing dersom det skulle vere interessant for samarbeidande bibliotek.
Forslag:
Me vil gjerne møte bibliotekssjefar som finn dette interessant så snart som råd, for å drøfte om me skal gå vidare med å utvikle idéen.
Kontakt:
Epost bjorn.enes@memoar.no
Tlf 41516745
Bergen 2/2 – 2016
Med beste helsing
Bjørn Enes, leiar av Memoar.
Memoar.blog 